لا حزني عارف يملكني
و لا فرحي مفعوله شديد
وانا بين ده و ده
حيران و غلبان و عبيط
لا عارف اشكي ولا احكي
و لا حتى ابكي و الوم
لا انا ساخط و لا كاره
و لا حتى مجنون
لا عارف احكي و ابوح
ولا عارف اكتم في قلبي و انوح
ان قلت مش شكية
و لا عايز حل
و لا عامل قضية
انا بس عايز احكي
و افضفض بكلمتين
يمكن من جوايا استريح
و اعرف اناملي ساعتين
لا انا عايز تعصرلي مخك
و لا تحللني نفسيا
و لا تقولي زيك كتير
و الدنيا هي هي
انا عايز ايد تطبطب
ايد تخفف
ايد تشيل من ع كتفي شوية
يمكن ما عنديش هم كتير
و لا مشكلتي بالشئ العسير
بس كلمة انا معاك
اكيد بتريح
ليست هناك تعليقات:
إرسال تعليق