اليومين
دول ماسورة جواز واتفتحت. كل يوم خطوبة،فرح،قراية فاتحة،كتب كتاب وكأن
الناس كان عندها كبت وما صدقت . . يلا بقى ربنا يسعدهم ويهنيهم :D
السنة دي بالذات الفرة بين صحباتي شغالة ع ودنه كل شوية اسمع خبر حلو من ده يمكن عشان هم خلصوا كلية و انا لسه :(
خلاص بقى ده الوقت المناسب وخاصة اللي كانت مخطوبة وقت الدراسة خلاص اهي خلصت ومبقاش في حجة يبقى اييييه؟ نتجوز بقى ;)
بس
الاغرب بقى مش جواز صحباتي بعد الكلية لأ دول زمايل اختي اللي في الثانوي
كمان بيتجوزوا أه و النعمة بيتجوزوا ! ومستواهم الدراسي كويس جداً وشاطرين
!!
كنت في سهرة واحدة صاحبتي قبل ما تتجوز فسألتني واحدة قريبتها
انتي مخطوبة؟
قلتلها لأ
قالتلي بشغف جامد حبتين ربنا هيسهل ان شاء الله هيسهل ما تقلقيش . . هههههههههههههههههههه
انا بقى عايزة اعرف في ايه ؟؟ حقيقي في ايه ؟؟
احنا بنتقدم لقدام ولا بنرجع لورا تاني تفكيرنا بينضج ولا الجواز بقى في حد ذاته هدف للبنات.
دلوقتي قرايبي في انتظار الخبر السار ده اني اقول : انا اتخطبـــت :D
بلا طب بلا بتاع البنت مهما اتعلمت ووصلت اخرتها ايه ؟ الجـــــواز !
الله
يرحمك يا قاسم امين انت وتحرير المرأة وانها لازم تشارك في المجتمع وتعمل
وتتعلم وتخرج من القمم اللي معيشينها فيه وتنفض عنها بقى كل التقاليد
البالية وتحريرها من كل السلطات المتحكمة فيها ومحكمة قبضتها عليها من سلطة
ابوية و وزوجية ومجتمعية متمثلة في عادات وتقاليد وفكر مترسخ غير قابل
للتغيير.
بقى دلوقتي لو وصلنا لسن معين _وتقريباً دلوقتي لازم يكون قبل الخمسة وعشرين :D _
وما ارتبطناش يبقى في حاجة غلط ونحس انه ناقصنا حاجة و النظرة تتغير ناحية البنت " وده حقيقي مش بتحامل ع فكرة " .
الفكر
لسه ما اتغيرش او بيعود تاني في ثوب آخر حتى لو اتحايلنا ع نفسنا وادارينا
ورا تعليم البنات واننا منحناها رخصة عمرها ما تحلم بيها ويجي شغلها بقى
يتحكم فيه الانسان اللي هترتبط بيه يا يوافق يا يرفض يا يوافق بشروطه
الخاصة !بقت تنطق الالسنة باللي يرضي الوضع الراهن بس مازلنا نحمل الصورة
المقيتة عن الجواز " الهدف " جوانا
طيب سؤال محشور في زوري وبحاول الاقي اجابة
ليه بندور ع الجواز بأبرة؟
ممكن حاجة عاطفية واحساس بالامان
ولا احساس بالاستقلال عن السلطة الابوية واهو مهما كان الزوج متسلط بس انا حرة في بيتي !
ولا عشان الشهادة والتعليم ما بقاش ليهم قيمة دلوقتي ولا بيوفروا حياة كريمة
ولا يمكن كلهم!
انا لما بقول لماما اني لو فكرت في الارتباط " وده نصيب " عشان الاحراج :D
لو
فكرت هيكون بعد لما اتخرج واشتغل ويكون ليا ذمة مالية منفصلة واحس بقى اني
بقيت انسانة منتجة اعرف اتحمل مسئولية صح وابقى فاهمة معنى الكلمة دي
كويستبصلي كأني لسه صغيرة او نظرة تشبه فيما معناها موت يا حمار " امي وانا
عارفاها كويس:D"
الشهادة وفوقها العريس خلاص بقى اوبشن للبنت الشاطرة المتميزة الجميلة
العريس
مع الشهادة الاول وبعد كده بقى الشغل والهوايات الخاصة والعادات الشخصية و
الخصوصية حاجات مش هيبقى ليا فيها الحق او لازم اتناقش فيها عشان احصل ع
الموافقة و الرضا عن افعالي دي حاجة اساساً عن نفسي ما اقبلهاش ولا مجال
للحوار حواليها!
موضوع مبهج كده مثل الفرح :)
ردحذفاتفق معك في عدم جعل الزواج هو الهدف ومنتهى الغايات للفتاة .. بل يكون وسيلة .. وسيلة يحقق كل منهما هدفه وتكتمل بها أسطورته..
هناك نظرة اخرى أومن بها وأرى فيها إيجابية، حين يرتبط اثنان حبيبان كل منهما هو عٍضد الآخر وسنده، سيعينون بعضهم .. ويبنون أحلامهم ومستقبلهم سوية ، و يشتغلون على طموحاتهم ويبنونها طوبة طوبة .. أليس ذلك جميلًا ، طبعًا قبل كل ذلك اذا توافقت أحلام الشريكين و غلّف كل ذلك محبة للآخر ومحبة للعمل :)
رزقنا الله وإياك مافيه الخير ()
شكراً يا نودي ع التعليق ومشاركتي رأيك :)
ردحذفطبعاً اتفق معاكي لازم يبقى في تخطيط واحلام مشتركة وعوامل للاختيار بس بجد اللي بيحصل دلوقتي شيء مؤسف بحس في حالة قلق داخلية في البنات ان كل لما يتقدم السن بتزداد ولو واحدة ارتبطت بتبقى مرتاحة نفسياً ممكن نتيجة لنقص الشعور بالاهتمام!!
كمان العامل المادي بقى مسيطر كنوع من المركز الاجتماعي ووسيلة للتباهي
بس اكيد في انواع اخرى والموضوع نسبي باختلافات فردية انا متاكدة من ده
بس اللي شفته حواليا خلاني اقلق !ّ