قول للزمان ارجع يا زمان (الفيسبوك)

من كام سنة كان الحوارات على بعض اكونتات الفيسبوك اللي انا متابعاها مختلفة تماما..
كان فيه جدل ونقاشات واثارة لنقاط حوارية كان بيبقى عندي شغف اني اتابعها واستمتع جدا بالتعليقات
وكنت بأشارك بما تيسر لي معرفته ..
ناس لم يتسنى لي معرفتهم بس اثروا فيّا بشكل حتى لو مش مباشر ..
كان فيه طاقة وحماسة .. دلوقتي حاسة ان كل ده اتغير بقى فيه فتور ..
كل اللي بيعملوه لا يتعدى الشير واللايك حتى التعليقات بقت تأمين على الكلام وخلاص

او كلام مفرغ من المعنى ..
حتى المعارض بقى يشتري دماغه او يمكن زهق ومشى ..
حاسة كأنه فيه انسحاب للداخل
كل واحد كأنه خايف على انسانيته لتخدش او يفقد منها شيء في وسط الأوضاع المتردية اللي بقت موجودة
من كتر انتهاكات الإنسانية بشكل فج
او حوارات سياسية تليق بخبراء ومنظرين من قلب الأحداث ..
فيه عالم في الفيسبوك ده مفتقداه تماما اتمنى انه يعود ولو على استحياء !