- اطلع برا الدايرة
انا بساعدك، خد ايدي
ويلا نلف في الحلقة
- هنفضل ندور جواها
وبردو هنفضل جوا الدايرة
- هي دي الفكرة!
انا هطلعك برا الدايرة
لما اعلمك
انك تبطل لف في حلقة فارغة
- مش فاهم
- اتحرر
- مش عارف
- اتحرر !
- ازاي؟
- ارمي عنك اي تعب
- مافيش حاجة معينة !
- مش قولتلك اتحرر
- مش عارف اركز
- بص جواك كويس
ايه اللي تعبك؟
- حاسس بالغربة
الدنيا دي صعبة
- ركز واتحرر
- ألِف اكتر ؟
- شكلك بدأت توصل !
ونلف اكتر ..
- شايف شريط الالم بيمر قدامي
- ركز اكتر،
اغفر اكتر،
سامح اكتر،
اتحرر اكتر ...
- ونلف اكتر ؟
- لغاية السكينة ما تسكن قلبك
- العلة أصعب !
- الشوق أصعب وأصعب
- شكلي لسه ما وصلتش !
- لِف اكتر ...
لما توصل هتزهد
مش هتزهد غير بالتخلي
سيب كل حاجة وأي حاجة
وازهد ...
وسع بصيرتك
حواسك أبعد من الحواس
هي حقيقة واحدة
الشوق اليه
هتفني نفسك عشانه
ممكن هتهلك دون الاجابة
بس اتأكد
في يوم هيخصك باسمك ..